نهفات

قصة حمزه

بالاذن من الشاعر عمر الفرا

هذي القصة......قصة حمزة......حمزة الشب اللي يتحدى
حمزة كان لعيب شدة......حمزة كان ملك الشدة
حمزة يلعب ...حمزة يغلب......حمزة ما فيه حدا قده
و في يوم، عملوا دوري شدة......

اليوم الأول جابوا الشدة...
اليوم الثاني فرشوا المدة....
اليوم الثالث أكلوا سودا...ا..
و يوم الجمعة فتوا الشدة
قعد حمزة...و قبالو وضاح شريكه
فتت لعبت و حمت اللعبة....
حمزة أتبهدل طول اللعبة؟؟
اجت تسماية حمزة......
سمى حمزة ......سمى حمزة شيخ الكبة
و لبسو حمزة!!!
عصب حمزة...خشب حمزة...
و قال لشريكه ما أريدك ما أريدك......
حتى لو تفوزني بيدك... ما اريدك
صاحبي انت و مثل اخويا......
لكن ما بلعب شريكك
نفضت المال المعبّى بايدك
ما اريدك......
لو اتقطعوا كل اللعيبه
ما أريدك...
حلفوا الشباب...و ترجوا حمزة...و قالوا كمل
كمل حمزة و قال لشريكه......العب صح وإلا أبيدك
و مشت اللعبة...
و كمان مرة سمى حمزة ..شيخ الكبة
من تاسع فتحة...برقت برقة...
و هبت ريح و فلتت ورقة...
فتح وضاح جويزة كبه ...
وعلّق حمزه فرش حمزة..........
و لبس حمزة شيخ الكبة
حمزة اتعجب...حمزة اتكركب...و هو يعد و يحسب...
قلوا بتفتح كبة؟؟
العمى ضربك..ليش بتهرب؟
فرطت اللعبة...
و معها فرط حمزة...
وهاجر حمزه
كل لعيبة التركس زعلوا لحمزه
حلفوا اللعيبة......بليلة جمعة
وبالطياره الاخذت حمزة
حلفوا انهم سمعوا حمزة!!!
من جوا الطياره ...يصيح و ينده
يلعن شرفك ... بتفتح كبه ؟؟؟!!!!

***************************************************
قرعة الفدان

عزمنا الصديق حمزه وعمه ابو نوار على اكبر قرعة فدان

ونسفاها.....

سمعوا العالم اخبارو

من جيبول لبنجارو

عازمكم بو نوّارو

عا أكبر قرعة فدان

تلفن وضّاح وقلّلي

دبّرلك أكبر سلي

مناكل منها ومنخللي

وبلكي منطعمي الجيران

ولمّا وصلنا عالتكّه

لقينا الدنيا مشتبكه

وفتنا دغري بالعركه

وطفّشنا كل النسوان

دنكر وضّاح ونحنح

وقللي ماراح بتلحلح

يبدو القرعه في البحبح

ويبدو رح سرّب جوعان

حاول حمزه يخففها

ويديرا ويلطفها

والنتيجه شايفها

والله يستر يا أخوان

وقللو حاجي تعزيني

وتجبلي ورد وزينه

هات القرعه بتكفيني

وبتنسيني هللي كان

قلتلو طوّل بالك

يبدو احوالي من احوالك

يا عمي دبر حالك

هي يالنجي تلات الوان

وفي عندك بيتزا وفتوش

ومعسّل اصلي مو مغشوش

وخدلك من مطرة علوش

كم جرعه يا غصن البان

بللا غنّي مواويلك

وفكّر أبعد من جيلك

وبكرا القرعه بتدعيلك

وبيدعيلك هالفدّان